Me and my strong cat story
السلام عليكم ..
سالفتي مع قططي الخلابين الرائعين اللي مافيها هذاك الإلهام الواو ولكن الحمدلله حليله السالفه تقدرون تقرونها D:
ف البدايه كان عندي ولله الحمد 6 قطط 3 منهم توفوا بسبب ان الجيران سمموهم حسبي الله ونعم الوكيل ولا اخفي عليكم المناحه اللي صارت والعزاء ومراسم الدفن يعني تعرفون قلب الأم رهيّف خخخ ، طبعاً باقي 3 من القطط اثنين منهم كانوا خوافين ف مايطلعون من غرفتي. بعد ساعه من موتهم اكتشفت ان في وحده من قططي مختفيه ما ادري وينها ! واروح مثل المجنونه انادي لها و احوس بالبيت فجأه ألهمني ربي اروح للسطح واطلع فوق ملحق السطح واشوف ضناي جالسه يالله تتحرك وتعبانه وتتنفس بسرعه كانت ريحتها "فليت" بسبب الجيران الله يهديهم ، شلتها ونزلتها وسبحتها ع الخفيف عشان ماتتعب زياده وشفت حرارتها 40 ياخراب بيتك يا روابي! المهم طرنا ع الدكتور قالي هذي مسكينه اعطيها يوم يومين وتموت ماراح يفيد فيها اي شيء من اللي راح نعطيها وقالي خليها لما ربي يتوفاها وطبعاً مره ثانيه قلبتها مناحه عند الدكتور وخلصت مناديله ، الزبده قلت له عطها كل شيء تحتاجه قال مافي فايده خساره عليك ادويه و تجين وهي مافيها امل لأنو بطنها متيبس ودقات قلبها ضعيفه جداً ! قلت ماعليك يابن الحلال الاعمار بيد الله واستمرينا ع هالحال اربع ايام وانا لا ليلي ليل و لا نهاري نهار كل ساعتين اصحى اشرّبها و أكّلها بالابره رابع يوم قال خلاص لا تجيبينها و ربي يصبرك ع فراقها يعني يمهّد لي انها حتموت :( ، طبعاً الايام الباقيه ماسمعت كلامه بنظام الاكل سويت لها نظام من عندي و ادويه من عندي حركات امهات •﹏•.
وبفضل الله ولله الحمد والمنه الحين لولو حسّها واصل اخر الرياض واجمل وألطف قطه عندي قلبقلبي وصارت تعرف تفتح باب الغرفه وتطلع بعد من الشقاوه خخخ ('ε').
